المقالة التالية
(دور على النعم..)بقلم د/شيرين التلبنتييا جودعااااان..!!!بالله عليكم بلاش تدوروا على النكد بملقاط...كل ده عشان حد مزعلك مثلا.. في داهيه ايه المشكله...ماانت عند ١٠٠ شخص غيره بيحبك وبيحترمك وبيتمني رضاك...ليه تزعل على حاجه كنت عايزها ومحصلتش.. رغم ان في الف حاجه غيرها كنت محتاجها.. وربنا كرمك ورزقك بيها..بلاش تدور على النكد.. عود نفسك تشوف الحاجات الحلوه.. حتى لو كانت وسط حاجات كتير وحشه..دور على النعم وركز عليها... واللحظات الحلوه وافرح بيها.. واشكر ربنا عليها... والله العظيم لو فكرت شويه.. هتلاقي ان النعم اللي انت فيها.. واللي ربنا محاوطك بيها... اكتر مليون مره من اي حاجه وحشه.. بتحصل وبتزعلك.. بلاش تفضل تقول ده بيحبني وده بيكرهني.. وتدخل في دوامه التفكير السلبي...صدقني ممكن يكون حد بيكرهوك... بس عنده اخلاق توقفه عند أي نقطه.. فيها اذي ليك..وحد تاني يكون بيحبك.. ولما يقلب عليك يكون... اوحش من أسوأ عدو ليك!!!قبل ما تنكد علي نفسك.. وتدخل مشاعرك في تقييم الناس... اعرف آخرهم ايه.. وحدودهم اللي مش هيتخطوها مهما حصل... كل ما تفتكر حد ظلمك ومقدرش العشره.. اوعي تزعل.. وقول "وأفوض أمري إلى الله.إن الله بصير بالعباد"...روق كده ودور على النعم وارمي الرمم.. وقول علطول.. الحمد لله دائما وابدا.